Ethiopian news and information update

ዘነበ በቀለ

እኔ ግን እንደ ሰው – ብዙ ዘመናትን አብሮ እንዳሳለፈ፣

አቃተኝ መተንፈስ፣ ብዕሬን ማንሳት

ማገላበጥ ቅኔ ማንበብ ድርሳናት።

ሀይሉ ገሞራዬን ሳጣው ከሰፈሩ፣

ከቀልቤ አልሆን አልኩኝ ከዳኝ ሰማይ ምድሩ።

 

ሳስታውሰው ቃሉን የተናገረውን ያባባሉን ፈሊጥ፣

ለክብረ ሰፍሳፋ፣ በሀቅ ለሚማግጥ፣

በራሱ አንደበት – ሲል እንደሰማሁት፣

ይህ ነበር አቅዋሙ የተሰደደለት።

 

“… ከተወለድኩበት ካደግሁበት አፈር፣

ጎልምሼ ደቁኜ ያየሁበት ሚስጢር፣

ሰማዕት እስጢፋኖስ፣ ይባል ነበር ያ ደብር።

ታሪኩ ሲነገር የሰማዕትነቱ፣

ሀቅ መስክሮ ነው እንደዚያ መሞቱ፣

በድንጋይ ተወግሮ የጠፋው ህይወቱ።

……ጥንት የማምንበቱ አዋጄ እምነቴ፣

ሞት ራሱን መግደል ነበረ ምኞቴ።

….አላችሁ ወይ ዘዴ አካልን ሳይወጋ፣

ነጥሎ የሚገድል ዕብሪትን ከስጋ።

አድርባይነትን ነጥሎ እሚማግድ፣

አላችሁ ወይ ዘዴ የተለየ መንገድ?

ነጥሎ እሚመታ ያንን ዘረኛነት፣

አላችሁ ወይ ጥበብ ሳይነካ ሰውነት?

ሰውን ከመግደሉ የሚሰውር ብልሀት?

 

ግቡና ምኞቱ ተፍፃሜት መድረሻው፣

እስከሆነ ድረስ ዋህዳዊ ዓላማው፣

መንገዱ ቢለያይ ጭንቀቱ ምንድነው?

የሚሉ ሞልተዋል በመድረክ በሚናው።

 

ይህንን ብያኔ ላንባቢ እተዋለሁ፣

እኔን ስላልገባኝ ጥያቄ አቅርቤአለሁ።

ኢሰብአዊ ሆኖ የስልጣናት መንበር፣

ሰውን ካስቸገረ እያስወጣ ካገር፣

ወይም አላስቀምጥ – ካለ አምኖ በዘር፣

ሌላ አማራጭ የለም ከመጋተር በቀር።”

 

ይህንን ነው ያለው ሀይሉ ገሞራው፣

ቃሉን ለማሳጠፍ – ማን ነው ፈላጊው?

ከዚህ ወዲያ አባባል – ከዚህ ወዲያ ምርጫ፣

ከየት ለማምጣት ነው ይኸ ሁሉ ሩጫ?

 

የቃልህን ፅናት ተመርኩዞ ልቦናዬ ይዘልቃል!!

ፈጣሪ ነፍስህን በገነት ያኑረው!

ዘነበ በቀለ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: